Friday 9 September 2011

ပွဲပြီးတဲ့နေ့

ကျွန်မ နာမည် ယဉ်လေးခင်။ ကဲ- ဒါဆို ကျွန်မ ဘာနေ့ သမီးလဲ ရှင် သိမှာ။ ဟုတ်တယ်ဟုတ်။ အင်း- အတိအကျ ပြောရရင်တော့ ကဆုန်လပြည့် ဗုဒ္ဓနေ့မှာ မွေးခဲ့တဲ့ ဗုဒ္ဓဟူး သမီး စစ်စစ်ပေါ့။

ရေကို မရောတာ။ ဗုဒ္ဓဟူး သမီးလို့ ပြောလိုက်တာနဲ့ “ရှူးရှူးဒိုင်းဒိုင်း သမား စိတ်မြန်လက်မြန်။ ဒါပေမဲ့ ပြီးတော့လည်း ပြီးတာပဲ” ဆိုတဲ့ မှတ်ချက်က တစ်ခါတည်း တွဲပါလာတတ်တာ။ ဟုတ်လည်း ဟုတ်ပါရဲ့။ ပြောလည်း ပြောချင်စရာ။ ကျွန်မက စိတ်မြန်ကိုယ်မြန်။ အဲ အဲ နောက်ပြီး ရှိသေးတာ၊ “ဗုဒ္ဓဟူးဆိုတော့ တစ်နေ့ သုံးခါ ရူးပေါ့”တဲ့။ အတက်ကြမ်း၊ အကျကြမ်းတဲ့ စိတ်ကလေးကို ပညာ သားပါပါ နှိပ်ကွပ်တဲ့ စကား နေမှာပေါ့။ အဲဒါလည်း ဟုတ်တယ် ပြောရမှာပဲ။ ကျွန်မက စိတ်ဆိုး လွယ်တာကိုး။ စိတ်ဆိုးတဲ့ အချိန်များတော့ သူနိုင်၊ ကိုယ်နိုင် ဦးအောင်ပြောလိုက်၊ ဆိုလိုက်။ စိတ်ပြေတဲ့ အချိန်များကျတော့လည်း ရယ်လိုက် မောလိုက်ဆိုတော့  တစ်နေ့ သုံးခါ ရူးတယ် ပြောခံရတာလည်း မလွန်ပါဘူး။

အဲဒီ ဗုဒ္ဓဟူး သမီးက ကိုယ့်စိတ်တိုင်းကျ ဗိုလ်လုပ်ချင်တာ။ ကြွက်တွေနဲ့ တွေ့မှပဲ အစွယ်ကို ကျိုးရော။ ဟုတ်ပ၊ ကြွက်ဆိုတဲ့ အကောင်ကလည်း အကောင်သာ သေးတာ အင်မတန် ကူလီကူမာ များတော့၊ အဲဒီ အကောင်သေးသေး ကြွက်နဲ့ တွေ့မှ အင်မတန် အကောင်ကြီးပြီး အမြီးရှည်တဲ့ ဆင်ဆိုတဲ့ အကောင်ကြီး ဖင်ထိုင်ကျရော၊ ပက်လက်လန်ရော။

ယဉ်လေးခင် ဆိုတဲ့ ဗုဒ္ဓဟူးသမီး ကျွန်မမှာ အစ်မတစ်ယောက် ရှိတယ်။ ကြာသပ တေး သမီး။ စည်းမဲ့ကမ်းမဲ့ နိုင်တဲ့ နေရာမှာတော့ ဘယ် သူ့မှ ဗိုလ်မထားဘူး။ အတွင်း စကားပြောရရင် ရေ၀တ်ချိုးတဲ့ ထဘီတောင် ခြေထောက်နဲ့ ခတ်ပြီး ကွင်းလုံးပုံထားခဲ့ တာ။ ထမင်းစားတဲ့ အခါ များ ထမင်းရော၊ ဟင်းရော ပန်းကန်လေးထဲ ပုံစား၊ ပြီးတာနဲ့ ကြောင်အိမ်အောက်ဆုံး ထပ်ထိုး ထည့်ခဲ့တာပဲ။ ပန်းကန်ဆေးတဲ့ ဘေစင်ပေါ် တောင် မတင်ဘူး။ ကျွန်မ အဖေကတောင် အချစ်ဆုံး သမီးကြီးရဲ့ ဒဏ်ကို မခံနိုင်ဘူး။

“သူများ ဘုရင်မကြီး ဖြစ်ရင် ခက်မယ်” တဲ့။

အစ်မကြီးကလည်း စီးပွားရှာတဲ့၊ ငွေဝင်တဲ့ အလုပ်က လွဲရင် ကျန်တာ ဘာမှ စိတ် မ၀င်စားဘူး။ သူ့အကြောင်း ပြောရင်း ပြောရင်း သူ ငယ်ငယ်က အဖြစ်ကလေး သတိ ရမိတယ်။ ကျွန်မတို့ ညီအစ်မ က ခုတင် တစ်ခုတည်း အိပ်တာလေ။ တစ်ရက်တော့ ညဘက်ကြီး အိပ်နေရင်း ခုတင်ပေါ်က ပြုတ်ကျပါလေရော။ အံမယ်၊ မချောက ခုတင်ပေါ် ပြန်မတက်ဘူး။ ကျတဲ့ နေရာမှာပဲ ကွေးကွေးလေး ဆက် အိပ်တာ။ မနက်လင်းတဲ့ အထိ။ အဲလို နာမည်ကောင်း တွေနဲ့။ ငွေရှာတဲ့ နေရာမှာ ဇွဲရှိသလောက် အိမ်တွင်းမှုတို့၊ သန့်ရှင်းရေးတို့များ ကိုယ်နဲ့ မဆိုင်သလို အပျင်းကြီး၊ စည်းကမ်း မရှိတဲ့ အစ်မနဲ့ နှစ်ပေါင်း သုံးဆယ်နီးနီး ရန်ဖြစ်လိုက်၊ ပြန်ချစ်လိုက်နေခဲ့ ကြတာပေါ့။ ဒါပေမဲ့ အဲဒီတုန်းက မတည့်ဘူး ဆိုတာ အစ်မနဲ့ မတည့်တာနော်။ “ကြာသပတေးသမီး” ကို မတည့်တာ မဟုတ်ဘူး။

အဲဒီလိုနဲ့ ဗုဒ္ဓဟူး သမီးက ကြာသပတေးသမီးကို သစ္စာဖောက်ပြီး အချစ်နောက် ကောက်ကောက်ပါ။ “သူ့မှ မရရင်ကွယ် အဆိပ်သောက် သတ်သေမယ်” ဆို တဲ့ အချိုးမျိုးနဲ့ အိမ်ထောင်ရေး နွံထဲ ပျော်ပျော်ကြီး ခုန် ဆင်းခဲ့ပါရော။ ကြာသပတေး သမီးနဲ့ ရန်ဖြစ်တတ်၊ အနိုင် ယူတတ်တဲ့ ဗုဒ္ဓဟူး သမီးက “နင့်ကို ချစ်လွန်း လို့ နင်နဲ့တူတဲ့ ကြာသပတေး သားကို ရှာယူတာပါဟယ်” လို့ ပလီခဲ့သေးတာ။ တစ်ယောက်တည်း ကျန်ခဲ့တော့ အမျက်ပြေမလားလို့ ရွှေနားတော်သွင်း ဧချင်းကလေး ဆိုပြမိတာပေါ့။

ဇာတ်လမ်းက အဲဒီမှာ စတော့တာပဲ။ ယဉ်လေးခင် ပါးစပ်က “ကြာသပတေး သားသမီးတွေများ”လို့ ရော သောကောသော ပြောရလောက်တဲ့ ဇာတ်လမ်းပေါ့။ ကြာသပတေးသမီးနဲ့ တုန်းက အလုပ်မှာ စာရင်းဇယားတို့၊ ပေးစာတို့ ဆိုရင် အစ်မကြီးက ပါးစပ်ကပြော၊ ကျွန်မက လိုက်ရေး။ ဘောပင်ကိုင်ရမှာ ပျင်းလို့တဲ့။ ပြီးတော့ အစ်မကြီး စာရေးရင် မလိုအပ်တဲ့ စကားလုံးတွေမှာ ၀စ္စနှစ်လုံး ပေါက်တွေထည့်တာ။ ဥပမာ ပြောရရင် (ပဲး၊ ဘဲး) အဲဒါမျိုး တွေ။ ရေးချဆိုရင် နှစ်ခါ ထပ်ရေးတာ (အောင်၊ ကောင်း) အဲဒီလိုပေါ့။ အံမယ် တကယ့်ကို ၀စ္စနှစ် လုံးပေါက်တို့၊ အောက်မြစ်တို့ ထည့်ရမယ့် နေရာမျိုးကျ တော့ မထည့်ဘူး။ အဲဒီတော့ သူ စာရေးရင် အမြီးအမောက် မတည့်။ အဲဒီတော့ ကျွန်မကို ရေးခိုင်း။

ကျွန်မ အမျိုးသားကလည်း အစ်မကြီးနဲ့ တစ်ပုံစံတည်း။ တစ်ထပ်တည်း။ အံ့သြစရာ စာလုံးပေါင်း သတ်ပုံ မှားပုံ မှားနည်းက အစ တစ်ထပ်တည်း။ စာရေး ပျင်းပုံကလည်း အတူတူ။ တူလိုက်ပုံများတော့ ကြာသပတေးသားသမီး နှစ်ယောက်လုံး ညအိပ် အ၀တ်အစား သီးသန့် မထားဘူး။ အပြင်က ပြန်လာရင် ထိုးလှဲ အိပ်ပစ်လိုက်တာပဲ။ ကျွန်မတို့ ပြင်ဦးလွင်က ခိုက်ခိုက်တုန် အောင်အေးတဲ့ အချိန်တွေများ တာကိုး။ ကျွန်မက စိတ် ဆိုးပြီး အင်္ကျီ လဲခိုင်းရင် “လူ့ထက် ဘယ်ဟာမှ အဖိုး မတန်ဘူး”တဲ့။ အဲဒါလည်း တစ်သံတည်း။ တစ်ယောက် အသံ တစ်ယောက် ကြားလို့ ကူးချတာ မဟုတ်ဘူးနော်။ သူတို့ရဲ့ စရိုက် သဘာဝကိုက တစ်ထပ်တည်းဖြစ်နေတာ။ နောက် ဗေဒင်၊ လက်္ဓဏာ ၀ါသနာပါတာ၊ အားရင် အိပ်ရာထဲ ကျောခင်းနေတာ၊ စာရေးပျင်းပြီး ကိန်းဂဏန်း တွေ ဦးနှောက်ထဲ ထည့်မှတ်ထား ဘယ်အချိန်မေးမေး ဒေါက်ခနဲ ဖြေနိုင်တာ၊ ဂဏန်းပေါင်းစက် မကိုင်ဘဲ ပါးစပ်က ပွစိပွစိ ရွတ်ပြီး စိတ်နဲ့ ပေါင်း၊ နုတ်၊ မြှောက်၊ စား လုပ်တာ၊ အပျင်းကြီး တာကနေ စည်းကမ်း မရှိတာထိ တစ်ထပ်တည်းမှ တစ်ထပ်တည်း။

ကျွန်မမှာ အံ့သြလွန်းလို့  အရင်တုန်းက အစ်မကြီးနဲ့ပဲ တစ်ယောက်ချင်း ရန်ဖြစ်ရတယ်။ အခုတော့ နှစ်ယောက် တစ်ယောက်ပေါ့။ သူတို့ကလည်း ထုံးစံအတိုင်း ကျွန်မ ဘာပြောပြော၊ ဘယ်လောက် ပြောပြော မသိသလို၊ မကြားသလို အပြုံးမပျက်တွေလေ။ အဲဒီတော့ စိတ်ဆိုးဆိုးနဲ့ “ကြာသပတေးသားသမီးတွေ များ”ဆိုပြီး ပြောနေကျ။

ဒါပေမဲ့ တကယ်တမ်း ကျတော့လည်း သူတို့က စီးပွား ရှာတဲ့သူတွေ၊ ကျွန်မက အိမ်မှာ နေတဲ့သူ။ ဆင်ကြီး ဘယ်လောက်ကြီးကြီး လှစ်လှစ်မြည်တဲ့ ကြွက်ကို မမီနိုင်သလိုဘဲ။ သူတို့ အရှုပ် တွေ ကျွန်မက ဒိုင်ခံ ရှင်းပေး ရတာချည်းပါပဲ။

အဲဒီလိုနဲ့ ကျွန်မ သားဦး ကိုယ်ဝန် မွေးရတော့မယ် ဆိုတော့ ဘယ်တော့မှ ကြာသပတေး သားသမီး မမွေးဘူးလို့ လူတိုင်းကို ပြောခဲ့တာပဲ။ အခုပြန်တွေးရင် အခု ရယ် ချင်တယ်။ အဟုတ်။ ဗုဒ္ဓဟူးသမီး မွေးခါနီးလေ ကြာသပတေး သား သမီးနှစ်ယောက်က ဗေဒင်၊ ယတြာတွေနဲ့ အလုပ်ရှုပ်လေ။ ဘယ်နေ့၊ ဘယ်ရက်ကို ခွဲမွေးမယ်။ မွေးမယ့် ဆရာဝန်ကို ဘယ်ပန်းဆောင်ခိုင်း။ လူနာက ဘာအရောင်ဝတ်။ အိုး... ရှုပ်ယှက်ခတ်အောင် တွက်ထား လိုက်ကြတာ။ တကယ်လည်း မွေးရော Due Date ထက် နှစ်ပတ်စောမွေးတော့ အပ်ထားတဲ့ ဆရာဝန်က ရန်ကုန်က ရောက်မလာသေး ချိန် ဗိုက်ကလည်း နာလှပြီ။ ရိုးရိုးပဲ မွေးဖြစ်လိုက်တယ်။

အံ့သြစရာများ ပြောပါတယ်။ ခုနစ်ရက်၊ ခုနစ်နေ့ ရှိတာ ရာဟုပါ ထည့်တွက်ရင် ရှစ်နေ့ရှိတဲ့အထဲ တိုက် တိုက်ဆိုင်ဆိုင် ကြာသပတေးသား ကလေးများ ဖြစ်ရသတဲ့။ ဆင်ကြီး ပက်လက်လန်တာပေါ့။ ကြာသပတေး သား သမီးတွေ အကျင့် မကြိုက်လို့၊ မခံစားနိုင်လွန်းလို့ ကိုယ်ဝန် စရှိပြီ ဆိုကတည်းက ဘယ်တော့မှ ကြာသပတေးနေ့ မမွေးဘူး ကြိမ်းလာခဲ့တာ ကြာသပတေးနေ့များ မွေး ဖြစ်အောင် မွေးသေးသတဲ့။ ကြာသပတေးတွေ အောင်ပွဲ ခံတော့တာပေါ့။

လပြည့်ဝန်းကြီလို ၀ိုင်းစက်ဖောင်းအိနေတဲ့ သားကြီးကို ချစ်မ၀၊ ကြည့်မ၀၊ နမ်း မ၀၊ မသိစိတ်ရဲ့ ဟိုးထောင့် တစ်နေရာမှာတော့ ဖြစ်ရလေ ခြင်းလို့ ညည်းမိတုန်း။ ဒီလိုနဲ့ အင်အား ကောင်းလာတဲ့ ကြာသပတေး သုံးယောက်ရယ်၊ သနားစရာ ဗုဒ္ဓဟူး တစ်ယောက်ရယ် ဘ၀ ကြီးထဲ ဆက်လျှောက်လာခဲ့ လိုက်တာ သားကြီး ၃ နှစ် ပြည့်ခဲ့ပေါ့။ အခုကျတော့ ပြောစရာ လူတစ်ယောက် ထပ်တိုးတာ ပေါ့လေ။ သားကလေးကပါ နားမလည် ပါးမလည်နဲ့ “သားက ကြာသပတေး သားနော်” တဲ့။ မအေလုပ်တဲ့ ကျွန်မကလည်း ထစ်ခနဲဆို “ကြာသပတေးသားတွေများ” ပြောလို့ကောင်းတုန်း။ သူတို့က ၀စီပိတ် ပိတ်ပြီး ကာယကံ မြောက်ရှုပ်သမျှ မနေနိုင်တဲ့ ကျွန်မက အပင်ပန်းခံ ရှင်း လိုက်၊ သိမ်းလိုက်၊ မခံချိ မခံသာ ပြောလိုက်ပေါ့။

ကျွန်မရဲ့ ကြွက်တွေက လည်း သားကလေး တမေ့ တမောကြည့်တတ်တဲ့ Tom & Jerry ထဲက ကြွက်ကလေးတွေနဲ့ မကွာမခြားပါဘဲ။ သားကလေးက Tom & Jerry  ကို မျက်စိ မမှိတ်တမ်း  မျက်တောင် မခတ်တမ်းကြည့် ပြီးများ တဟားဟား အော်ရယ်နေရင် ကျွန်မက အလိုလို နေရင်း နေမထိထိုင်မထိ ဖြစ်နေရတာ။ ရင်ထဲမှာ အခုအခံ တစ်ခုရှိနေရင် ကိုယ်နဲ့ ဆိုင်ဆိုင်မဆိုင်ဆိုင် ကိုယ့်ကို ပြောတာ ဟုတ်ဟုတ် မဟုတ် ဟုတ် တိုက်ဆိုင်တိုင်း ကိုယ်နဲ့ ယှဉ်ထိုးချိန်စက် အနေခက် တတ်တာ လူ့သဘာဝပဲ မဟုတ်လား။ ကိုယ်က ကြွက် တွေကို မကျေမနပ် အခံရှိပြီး သားဆိုတော့ ဂလို ဘယ်လူလည် အဲ အဲ ဂလိုဘယ်ကြွက်လည် Jerry ရဲ့ဟားကွက် တွေမြင်တိုင်း ထောမနာပြုမိ တော့တာလေ။

၃ နှစ် သားကလေးက Jerry ကို အထင်ကြီး၊ အားကျ၊ ချစ်ခင်နေတာ မဟုတ်လား။ Jerry လုပ်သမျှတွေ ကို တဟားဟားနဲ့ သဘောကျ တတ်နေတာဆိုတော့ သူ့ ကို Jerry နဲ့ နှိုင်းယှဉ်တာကိုပဲ သူက သဘောအကျကြီး ကျ နေတော့တာလေ။

“သားက Jerry ပေါ့ နော် မေမေ”

“အဲဒါ သဘော ကျစရာ မဟုတ်ဘူး သားရဲ့။ ကိုယ့်ရဲ့ လိုအင်ဆန္ဒ အတွက် သူ တစ်ပါးကို ဒုက္ခရောက် အောင် ချောက်တွန်းတယ်။ အနိုင်ကျင့်တယ် ဆိုတာ နိုင်ငံကြီးသား စိတ်ဓာတ် မဟုတ်ဘူး။ လူဆိုတာ လူရယ်လို့ ဖြစ်လာမှတော့ ကိုယ့်တာဝန် ကိုယ်ယူရတာ၊ ကိုယ့်တာဝန် သူများကို ယူခိုင်းတာတို့ မလုပ်ရဘူး သားရဲ့။ “အကျီ စားသန်က ရန်များ၏”တဲ့။ သူတစ-်ပါး မခံနိုင်တဲ့အထိ စတယ် နောက်တယ်ဆိုတာ အနိုင်ကျင့်ခြင်း တစ်မျိုးပဲ ပေါ့။ မေမေကတော့ Tom ကိုပဲ ကြိုက်တယ်။ Jerry လူလည်ကျတာတွေ မြင်ပြီး မုန်းလွန်းလို့”

ဘာမှ နားမလည်သေးတဲ့ သားကလေးကတော့ မျက်လုံးပြူးကြီးနဲ့ မော့ကြည့် နေရုံပဲပေါ့။ ယောက်ျားနဲ့ အစ်မကို စောင်းပြောချင်တဲာ့ ဇာတ်လမ်းထဲ အာရုံ ရောက်နေတဲ့ သားလေးကို ဇွတ် အတင်း လက်ချာရိုက်နေမိ တာ။ သားကလေးသာ ပြန်ပြောတတ်တဲ့ အရွယ်ဆိုရင် “မေမေ့နှယ်၊ စကားများရန် ကော”လို့ ငြူစူမယ် ထင်ပါ ရဲ့။

မနေ့ကတော့ ကျွန်မ ဆုံးဖြတ် တစ်ခုကို စိတ်တုံးတုံး ချပြီးတော့ကို ချလိုက် တော့တယ်။ ဘယ်တော့မှ “ကြာသပတေး သားသမီး တွေများ” မပြောတော့ပါဘူး လို့။
ဖြစ်ပုံက ဒီလိုလေ။

သီတင်းကျွတ် နားရက် ဆိုတော့ ကျွန်မတို့ မိသားစု ကျိုက်ထီးရိုး ဘုရားဖူးထွက် ဖြစ်တယ်။ အလုပ်ကိစ္စ အရေး ပေါ်လာတော့ ယောက်ျားက မလိုက်ဖြစ်ဘူး။ ပြင်ဦးလွင် ဈေးထဲက ဆိုင်နီးချင်းတွေနဲ့ တစ်လလောက်ကတည်းက ကြိုတိုင်ပင် ထားတဲ့ ခရီးဆိုတော့ ဖျက်လိုိ့လည်း မဖြစ်။ ဒီတော့ ကျွန်မတို့ ညီအစ်မပဲ ဘုရား ဖူးလိုက်ရတော့တာ ပေါ့။ ဘုရားကို ရောက်တာနဲ့ တည်းခိုခန်းမှာ ခဏနားပြီး မှ သားကလေး လက်ဆွဲ၊ ဘုရား ရင်ပြင်တော်ပေါ်တက်၊ ဘုရားကို ရွှေသင်္ကန်း ကပ်ချင်တာ။ ယောက်ျားသား ကြီး ကြီးမားမား မပါတဲ့ ကျွန်မတို့ ညီအစ်မ ဘုရား လူကြီးကို အကူအညီတောင်းပြီး ရွှေသင်္ကန်း ကပ်ပေးဖို့ ပြောရ တော့တာပေါ့။

ရွှေဆိုင်းတွေကို လက်နှစ်ဖက်နဲ့ ယှက်ကိုင် အုပ်မိုး ဆုမျိုးစုံ တောင်းပြီးမှ-
“အဘရေ၊ သမီးကို ရွှေသင်္ကန်းလေး ကပ်ပေးပါဦး။ ဗုဒ္ဓဟူး ထောင့်မှာ ကပ်ပေးပါ နော် အဘ” ဆိုတော့ ဘုရား လူကြီးက မော့ကြည့်တယ်။ ဘာများ မှားပါလိမ့်ပေါ့လေ။ ဗုဒ္ဓဟူး သမီးက ဟိုခရီးဝေး ကနေ ဖူးတောင့်ဖူးခဲ ဘုရားကို အရောက်လာပြီး ရွှေသင်္ကန်း ကပ်တာ ဗုဒ္ဓဟူး ထောင့်မှာပဲ ကပ်ချင်တာပေါ့။ ဘုရားလှူတယ် ဆိုပေမယ့် အတ္တကလေး အခြေခံ ထားတာကိုး။ ဘုရား လူကြီးက တုတ်တုတ်မှ မလှုပ်ဘူး။

“သမီးတို့က အမျိုးသားလည်း မပါလာလို့ပါ”

“မဟုတ်ပါဘူး။ အဘက ဘုရားဖူးတွေကို ရွှေသင်္ကန်း ကပ်ပေးနေကျပါ။ သမီးက ဗုဒ္ဓဟူးထောင့်မှာ ကပ်ပါဆိုတော့...   

“သြော် သမီးက ဗုဒ္ဓဟူး သမီးလေ အဘရဲ့” “မဟုတ်ဘူး၊ ဗုဒ္ဓဟူးထောင့်က ကပ်လို့ မရဘူး။ ဗုဒ္ဓဟူးထောင့်က ချောက်ကြီး သမီးရဲ့။ မြေးလေးက ဘာနေ့သားတုံး။ မြေးလေး မွေးနေ့ကပဲ  ကပ်လိုက်လေ”
ကျွန်မဖြင့်လေ ဘာပြော လို့ ပြောရမှန်းကို မသိတော့ ပါဘူး။ ဘာမှ မသိတဲ့ သားလေးက “သားက ကြာ သပတေးသားနော် မေမေ” “ဟာ- ကောင်းတာ ပေါ့၊ ဘိုးဘိုး ကြာသပတေး ထောင့်မှာ ကပ်ပေးမယ်နော် မြေးလေး”

ပြောပြောဆိုဆို ရွှေဆိုင်းတွေ ယူပြီး ကြာသပတေး ထောင့်မှာ သွားကပ်ပေး တယ်။ ကျွန်မ အစ်မကို မော့ ကြည့်လိုက်တော့ ရယ်ချင် စိတ်ကို အောင့်ထားပုံ ရတဲ့ အစ်မကြီးက သူ လှူထားတဲ့ ရွှေဆိုင်းတွေကို နောက်ကျော ဘက်မှာ ၀ှက်ကိုင်ထားရင်း “ငါ ဘာမှ မပြောရသေးဘူး နော်” တဲ့။

ဗုဒ္ဓဟူးတွေဟာ ကြာသပတေးတွေရဲ့ ငယ်နိုင်များ ဖြစ်နေလေရော့သလား မသိ တော့ပါဘူး။

အဖြူရောင်၊ရွှေ၊
(ရွှေအမြုတေ မဂ္ဂဇင်း၊စက်တင်ဘာလ ၂၀၁၁)

1 comment:

  1. ဖတ်ရင်းနဲ့ ပြုံးမိတယ်
    မဂ္ဂဇင်းနဲ့ဝေးတဲ့သူတွေအတွက် စာတွေဖတ်ခွင့်ရအောင် ဘလောဂ့်လေးလုပ်ထားတာ စာဖတ်ဝါသနာပါသူတွေအတွက် သိပ်ကောင်းတဲ့ အစီအစဉ်မို့ ကြိုဆိုပါတယ်။
    ကျေးဇူးလဲတင်မိပါတယ်
    ကြာသပတေးမဟုတ်တာ တော်သေးတယ်လို့ ဖတ်ရင်း ပြုံးရင်းမှတ်ချက် ချသွားပါတယ်း)

    ReplyDelete